DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 311,62 Brent 36,55
Атырау облысында 500-ге жуық мұғалім жетіспейді

Атырау облысында 500-ге жуық мұғалім жетіспейді

Облыс әкімі маман тапшылығы жағдайында Қазақстанның өзге облыстарынан тәжірибелі педагогтарды шақырту керектігін айтты

17 Мамыр 2019 19:00 455

Атырау облысында 500-ге жуық мұғалім жетіспейді

Атырау облысының орыстілді мектептерінде 472 мұғалім жетіспейді. Бұл туралы әкімдікте өткен мәжілісте мәлім болды, деп хабарлайды ҚазАқпарат. 

«Біз осы мәселе бойынша жұмыс атқарып жатырмыз. Облыстың бірқатар оқу орындарын араладық. Биыл 174 жас маман келеді деп жоспарланып отыр»,- деді облыстық білім басқармасы басшысының міндетін атқарушы Жансұлу Төремұратова.

Өңір әкімі Нұрлан Ноғаев маман тапшылығы жағдайында Қазақстанның өзге облыстарынан тәжірибелі педагогтарды шақырту керектігін айтты. «Қажетті мамандарды өңірімізге шақырыңыздар. Біз оларға барлық жағдайды жасап, үймен қамтамасыз етуге дайынбыз. Бұл мектеп директорларына да қатысты. Конкурс жариялап, тәжірибелі маман қойыңдар. Ешкім сіздерге кедергі келтіріп, қарсы тұра алмайды»,- деп атап өтті аймақ басшысы.

Атырау облысы әкімінің айтуынша, маман іздеу жұмысын білім басқармасы ғана емес, барлық деңгейдегі әкімдер де жүзеге асыруы тиіс. Осындай жағдайда ғана мәселе өз шешімін табады.

 Ол сондай-ақ оқу орындарындағы жөндеу жұмыстарын уақытында аяқтауды тапсырып, оқу процесіне кедергі жасамау керектігін айтты. Жиында жазғы демалыс тақырыбы да қозғалды, Нұрлан Ноғаев оқу лагерлерін балаларға табиғи қолайлы жағдай жасалған жерлерде өткізуді жүктеді.  

inbusiness.kz-ті қараңыз, оқыңыз :

Атырауда білім беру басқармасының басшысы мен бірнеше қызметкері ұсталған

Жуық арада облыстық әкімдікке қарасты барлық басқармада ішкі аудит жүргізілетін болады.

03 Қаңтар 2019 13:10 275

Атырауда білім беру басқармасының басшысы мен бірнеше қызметкері ұсталған

Атырау облысы әкімінің бірінші орынбасары Серік Шәпкенов білім беру басқармасы басшысының ұсталуына байланысты түсінік берді, деп хабарлайды ҚазАқпарат.

Мемлекеттік органдар басшыларымен өткен аппарат жиынында Атырау облысы әкімінің бірінші орынбасары аймақтың өткен жылғы әлеуметтік-экономикалық дамуына қорытынды жасады, сондай-ақ, 2019 жылға нақты тапсырмалар жүктеді.  

Сонымен қатар, жиналыс барысында Серік Шәпкенов қазіргі таңда білім беру басқармасының бірнеше қызметкерінің, сондай-ақ басқарма басшысының ұсталуы бойынша мәлімет барын айтып өтті.

«Қазіргі таңда тексеру жұмыстары жүріп жатқандықтан біз болған жағдайға толыққанды баға бере алмаймыз. Күдіктілердің кәнісін сот анықтайды. Алайда, атқарушы орган тарапынан осы және өзге де мемлекеттік қызметкердің қызметтегі адалдығына күмән туғанының өзі бізді бей-жай қалдырмайды. Себебі, жемқорлықпен күрес - біздің жұмысымыздағы ең басты тапсырма, сондықтан біз осындай жайттар орын алмас үшін бар күшімізді салатын боламыз, – деді Серік Шәпкенов.

Серік Шәпкеновтің айтуынша, жуық арада облыстық әкімдікке қарасты барлық басқармада ішкі аудит жүргізілетін болады.

«Ішкі аудит бөлімінің қызметкерлері барлық басқармаға кіріп, мемлекеттік сатып алу құжаттарындағы және ішкі құжаттардағы заңның сақталуын жіті тексеретін әрі талқылайтын болады. Егер қандайда бір басқарма немесе соған қарасты ұйымдарда тәртіп бұзушылық орын алатын болса, арнайы шаралар қабылданатын болады», – деді Серік Жамбылұлы.

Жайықта балықтардың неден қырылғаны әлі белгісіз

11 Желтоқсан 2018 10:41 564

Жайықта балықтардың неден қырылғаны әлі белгісіз

Жайық өзенінде балықтың қырылуына байланысты зерттеу жұмыстары жалғасуда, деп хабарлайды Атырау облысының өңірлік коммуникациялар қызметі. 

Желтоқсан айының басында Жайық өзенінде балықтың қырылу фактісі тіркелген болатын. 10 желтоқсан күні облыстық әкімдікте ведомствоаралық комиссияның жиыны өтті.

Бүгінгі таңда 110 дана балықтың өлексесі анықталды, ал тірі балықтардың жағдайы алаңдатарлықтай. Қоғамдық денсаулық сақтау департаменті өкілдерінің айтуынша, зертханалық зерттеулер жүргізіліп, су құрамы таза, адамдардың өміріне залалсыз екенін анықтаған.

«Қазір жағдай толықтай бақылауда. Төтенше жағдай тек Атырау қаласы бойынша орын алды, аудандарда мұндай ақпарат тіркелмеді. Алынған сынамалар бойынша тексеріс жұмыстары жүргізілді. Аталған жағдай тұрғындардың денсаулығына зиянын тигізбейді»,- дейді Атырау облыстық қоғамдық денсаулық сақтау департаментінің басшысы Темірбек Мұсағалиев.

Комиссия отырысында Нұрлан Ноғаев атқарушы органдарға бірқатар тапсырма берді.

Айта кетейік, Атырау облыстық орман шаруашылығы және жануарларды қорғау инспекциясымен ведомствоаралық комиссия құрылды. Комиссия құрамына Атырау облыстық балық шарушылығы басқармасы, мамандандырылған табиғат қорғау прокуратурасы, экология департаменті, Қазақ балық шаруашылығы ғылыми зерттеу институты, ветеренариялық бақылау және қадағалау аумақтық инспекциясы, төтенше жағдайлар департаменті мен Атырау қалалық қоғамдық денсаулық сақтау басқармасының мамандары енді. Зерттеу барысында xимиялық зерттеу су сынамалары алынды.

Жаңалықтарға жазылу: