Атырау облысында жолаушы тасымалдайтын қоғамдық көлік толығымен өртеніп кетті, деп хабарлайды Inbusiness.kz сайты.
Атырау облыстық Төтенше жағдайлар департаментінің мәліметінше, оқиға кеше, 11 наурызда болған.
"Мақат ауданының орталығы – Мақат кентінде кешкі сағат 20:00-де автобус өртенді. Жалын сағат 20:39-да оқшауланып, сағат 20:52-де толық сөндірілді", - деп хабарлады департаменттің қоғаммен байланыс тобы.
Қоғамдық көліктің Атырау қаласы мен Мақат кенті аралығында жолаушы тасымалдайтыны анықталып отыр. Өрттен зардап шеккендер жоқ.
Жалынды сөндіруге 7 адам мен 2 техника тартылған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
