/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 442,30 Brent 36,55
Атырау облысында екі күн ішінде карантиндік шектеу режимін екі жүзге тарта адам бұзған

Атырау облысында екі күн ішінде карантиндік шектеу режимін екі жүзге тарта адам бұзған

Ауыр эпидемиологиялық ахуалға қарамастан, шектеу режимін ең көп бұзған – Атырау қаласының тұрғындары

14 Шілде 2020 11:48 157

Атырау облысында екі күн ішінде карантиндік шектеу режимін екі жүзге тарта адам бұзған

Шілде айының 12-13-і күндері жүргізілген рейдтер заң бұзушылықтың көп екенін анықтады. Демалыс күндері тек қана Атырау қаласының өзінен карантин талаптарына жүрдім-бардым қараған 81 дерек тіркелген. Атап айтқанда, Атырау облысының бас мемлекеттік санитариялық дәрігерінің «үйге жеткізу» қағидатымен ғана жұмыс істеуге рұқсат бергеніне қарамастан, мейрамхана, кафелер келушілерді жабық ғимарат ішінде тамақтандыруды жалғастырған.

Мұндай жағдай тоғыз жерден анықталды. Бұдан бөлек, 24 азық-түлік дүкені бекітілген жұмыс уақытынан тыс мезгілде саудамен айналысқан.

Эпидемиологиялық ахуалдың күрделенгеніне қарамастан, топтанып жүрудің 26 дерегі, отбасылық  шара  өткізудің бір дерегі тіркелген.

Эпидемиологиялық жағдайы мәз емес Жылыой ауданы халқының да карантин талаптарын сақтамай отырғаны белгілі болды. Ауданда демалыс күндері бес отбасында той-томалақ өткізілген.

Сенбі, жексенбі күндері қозғалысқа толықтай тыйым салынғанына қарамастан, көшеде себепсіз жүрудің отыз дерегі тіркелді. Сондай-ақ, жиі кездескен заң бұзушылық – азық-түлік дүкендерінің жұмыс уақытынан тыс мезгілде сауда жасауына байланысты. Тізбекке шаққанда, карантиндік шектеу талаптарын бұзудың Атырау қаласында – 81, Жылыой ауданында – 37, Индер ауданында – 4, Исатай ауданында – 14, Қызылқоға ауданында – 7, Құрманғазы ауданында – 23, Махамбет ауданында 9 дерегі  анықталып отыр. Карантиндік шектеу режимі тек Мақат ауданында ғана бұзылмаған.

Құралай Қуатова
 

Атырау облысына – 108, Маңғыстау облысына 56 маман барады

Атырау облысы өңірлер арасында коронавирус жұқтырғандар саны жағынан алғашқы орында тұр.  

13 Шілде 2020 17:23 178

Атырау облысына – 108, Маңғыстау облысына 56 маман барады

Мемлекет басшысының тапсырмасымен Денсаулық сақтау министрлігі Атырау және Маңғыстау облыстарындағы эпидемиологиялық жағдайды тұрақтандыру үшін өңірлерге вирусолог, дәрігеринфекционист, реаниматолог, пульмонолог сынды мамандардан тұратын бірнеше топ медицина қызметкерін жібереді, сондай-ақ, ресейлік дәрігерлер де көмектеседі, деп хабарлады ДСМ баспасөз қызметі.

Атырау облысына 108 маман барады: Бас мемлекеттік санитарлық дәрігердің басшылығымен Тауарлар мен қызметтердің сапасын бақылау комитетінің 5 маманы, клиникалық кафедралардан 10 ғалым, «Батыс Қазақстан медициналық университеті» КЕАҚ клиникасынан 9 резидент, сондай-ақ, құрамында пульмонолог, реаниматолог және инфекционист бар Ресей Федерациясынан 6 дәрігер барады.

Маңғыстау облысына 56 маман: 42 дәрігер-интерн, Ресейден 9 маман және М.Оспанов атындағы Батыс Қазақстан медициналық университетінен 5 ғалым жіберіледі.

Естеріңізге сала кетсек, кеше Қазақстан Президенті Қасым-Жомарт Тоқаев өзінің Twitter аккаунтында Атырау облысы халқының үндеуіне жауап берген болатын.

Президент: Үкімет Атырауға дәрігерлер жібереді, дәрі-дәрмек жеткізіп, көмектеседі

Аймаққа Премьер-министрдің орынбасары бастаған комиссия барып қайтты

12 Шілде 2020 10:02 211

Президент: Үкімет Атырауға дәрігерлер жібереді, дәрі-дәрмек жеткізіп, көмектеседі

«Атырау облысындағы ахуал туралы қоғам өкілдерінің шағымдарымен таныстым. Премьер-Министрдің орынбасары бастаған комиссия аймаққа барып қайтты. Үкімет өңірге дәрігерлер жібереді, дәрі-дәрмек жеткізіп, көмектеседі»,– деп жазды Қасым-Жомарт Тоқаев твиттерде.

Айта кетсек, Атырау облысы өңірлер арасында коронавирус жұқтырғандар саны жағынан алғашқы орында тұр. Осыған байланысты Атырау облысына Премьер-министрдің орынбасары Ералы Тоғжановтың бастауымен үкіметтік комиссия барып, аймақта дертті жою мақсатында атқарылып отырған іс-шаралар талқыланды.