Атырау облысында қамыс өрті сөндірілді

651

Өрттің жалпы ауданы 1200 га құрады. 

Атырау облысында қамыс өрті сөндірілді Фото: ҚР ТЖМ

Каспий теңізінің жағалауында қамыстың жануы жойылды.

Қамыс өсімдіктерінің жануы нәтижесінде флора мен фауна зардап шеккен жоқ, өйткені құстардың ұя салу кезеңі әлі басталмаған.

Естеріңізге сала кетейік, 2023 жылғы 2 сәуір күні сағат 09:12-де Атырау қаласының Дамбы ауылынан 30 шақырым жерде Каспий теңізі жағалауының сулы, батпақты жерінде қамыс өсімдіктерінің жануы орын алған болатын.

Жану ошақтары анықталғаннан кейін Атырау облысы ТЖД күштері мен құралдары дереу оқиға орнына жіберілді.

5 күн бойы өрт сөндірушілер жалынмен күресті. Жел бағытының өзгеріп отыруы, аумақтың сулы, батпақты болуы, сондай-ақ қамыстың тығыз қалың баурайы өрт сөндірушілерге қиындық туғызғанын айта кеткен жөн.

Өрт сөндіру автотехникасына өту жолдарының болмауына байланысты, өртті сөндіру жаяу түрде өрт сөндіргіштер мен хлопушкаларды қолдану арқылы жүзеге асырылды.

Қамыс өртін жоюға  ТЖД 42 қызметкер мен 7 бірлік техника және "Ақ Жайық" табиғи мемлекеттік резерватынан  30 адам мен 9 бірлік техника, 2 қайық, 4 мотопомпа жұмылдырылды.

Сонымен қатар, қамыс өсімдіктерін сөндіруге "Қазавиақұтқару" АҚ-ның СТҚ-5 су төгетін құрылғысы бар МИ-8 тікұшағы жұмылдырылды. Өрт сөндіру кезеңінде тікұшақ өрт ошақтарына әуеден 86 рет, жалпы көлемі 260-қа жуық тонна  су төгілді.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу