Атырау облысында 90 апаттық мұнайгаз ұңғымасы бар. Олардың бірқатары аймақ экологиясына қауіп төндіреді, деп хабарлайды "ҚазАқпарат ХАА.
"Анықталған 90 ұңғыманың 14-і өте қауіпті, сондықтан жабылуға тиіс. Оның 5-еуінің иесі жоқ, жер қойнауын пайдаланушылардың қарауына өтпеген. Біз кезең-кезеңмен жабуды бастауға ақша бөлу жөнінде энергетика министрлігіне өтініш жасадық.
2017 жылы мұнай төгіліп, 5 гектардай топырақ бетіне мазут жайылған ұңғымалардың бірін шұғыл түрде жапқан болатынбыз. Қауіпті ұңғыманы жабуға, мұнайды жинау және ластанған аумақты қалпына келтіруге облыстық бюджет 60 миллион теңге бөлді", – деп мәлім етті облыстық табиғи ресурстар және табиғатты пайдалануды реттеу басқармасының басшысы Қадыржан Арыстан.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
