Ол екі жақты пневмониямен ауданның орталық ауруханасының жұқпалы аурулар бөліміне жатқызылған. Зейнеткер әйелде артериалды гипертензия, тамырдан шыққан прогрессивті дискркуляторлы энцеопатия, бауыр стеатозы, созылмалы панкреатит аурулары да болған.
4 маусым күні жұқпалы дерттің бар-жоғын анықтау үшін тексеруден өткізіліп, 6 маусымда талдау коронавирус инфекциясы барын көрсеткен.
"Науқасты облыстық жұқпалы аурулар ауруханасына ауыстыруға дайындап еді, бірақ жағдайы күрт нашарлап кетті. Дәрігерлер жүрек-өкпе реанимациясын жасады, барлығы нәтижесіз болды. Өкінішке қарай, науқас қайтыс болды", – деп хабарлайды облыс әкімінің баспасөз қызметі.
Айта кетейік, оқиға орын алған Ақкөл ауылы – Ресейдің Астрахань облысымен шектесетін шекаралас ауыл.
Құралай Қуатова
