Атырау облысына қарасты Жылыой ауданында шоғырлаған су қоймасынан балықтар құтқарылды, деп хабарлайды inbusiness.kz сайты.
4 ақпанда Жайық-Каспий облысаралық бассейндік балық шаруашылығы инспекциясының қызметкерлері әлеуметтік желілерде Жылыой ауданының су айдындарының бірінде балықтардың қырылып қалу қаупі туралы ақпаратты анықтады.
Жедел әрекет ету үшін жергілікті жерге Теңіз балық инспекциясы бөлімінің мамандары мен аудан әкімдігінің өкілдері барды.
"Іздеу нәтижесінде Ордабай көлінде балықтардың қырылып қалу қаупі тіркелді. ЖКОББШИ Теңіз балық инспекциясы бөлімінің басшысы Орынбек Сүндетовтің хабарлауынша, сол күні балықты құтқару жұмыстары ұйымдастырылған. Балықтарды қолмен ұстап аулап, содан кейін үлкен контейнерлерде тасымалдап, Құлсары ауданының орталығында орналасқан Қамыскөл көліне жіберілді. Жалпы алғанда, 23 мыңға жуық балықтардың шағын түрлері жаңа тіршілік ету ортасына қоныс аударды", - делінген хабарламада.
Ордабай көлінде жалпы салмағы 4 кг өлген балық жиналып, кейіннен жойылды. Құтқару жұмыстары жалғасып жатыр.
