Жылыой ауданы прокуратурасы тиісті тегін медициналық көмек ала алмаған 4 054 тұрғынның құқығын қорғады, деп хабарлайды inbusiness.kz сайты.
Аудандық аурухана есебінде тұрған тегін дәрі-дәрмек алатын азаматтардың саны негізсіз қысқартылған.
"Қадағалау актісі бойынша орталық ауруханада қант диабеті, артериалдық гипертензия диагноздармен есепте тұрған 4 054 азаматтарға 19 155 349 теңгеге 4 866 қаптама көлемінде дәрі-дәрмектер (Джардинс, Инвокана, Тражента, Форсига және т.б.) берілді. Тұрғындардың конституциялық құқықтары қалпына келтірілді", - деп хабарлады прокуратура.
Аудандық аурухананың жауапты лауазымды тұлғасы тәртіптік жауапкершілікке тартылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
