Алда келе жатқан Ұлы Жеңіс күні мерекесінде ардагерлерге құрмет көрсетілмек. Өкінішке қарай, олардың саны саусақпен санарлықтай ғана болып қалды, деп жазды inbusiness.kz тілшісі.
"Атырау облысында Ұлы Отан соғысына қатысқан ардагерлерге 1 млн теңгеден төленеді. Сондай-ақ, соғыс кезінде тұтқында болғандарға да осы сомада біржолғы көмек қарастырылып отыр. Соғыс кезінде марапатталған тыл еңбеккерлері 100 мың теңгеден, соғыс кезінде кемі алты ай жұмыс істеген, бірақ, орден-медальдар алмаған еңбеккерлер 30 мың теңгеден алады", - деп хабарлады облыстық жұмыспен қамтуды үйлестіру және әлеуметтік бағдарламалар басқармасынан.
Өкінішке қарай, қариялар жыл санап азайып бара жатыр. Мұнайлы аймақта былтырғы 9 мамыр күні қан майданға қатысқан сегіз ардагер болса, биыл олардың саны екеу ғана. Олар - Айдын Айбаров пен Закария Сұлтанов.
Айдын Аққалиұлы 16 қазан күні 100 жасқа толды.
Ал 94 жастағы тағы бір ардагер Тұраш Көптілеуов 28 сәуір күні дүниеден озды.
Құралай Қуатова
