Атырау облысында құрғақ құрылыс қоспаларын өндіретін цех іске қосылды. Ол тәулігіне 20-30 тоннаға дейін өнім шығаруға қабілетті, деп жазды inbusiness.kz тілшісі.
"ИСИ Гипс Индер" ЖШС құрғақ құрылыс қоспаларын өндіру цехы үдемелі индустриялық-инновациялық дамудың мемлекеттік стратегиялық бағдарламасы аясында іске қосылып отыр. Жобаның жалпы құны 160 млн теңге құрайды. Цех тәулігіне 20-30 тонна өнім шығарады деп күтілуде.
"Құрғақ құрылыс қоспалары мен ұсақ өнімдер шығаратын зауыттың жылдық қуаты – 10 000 тонна. Цехтың шығаратын өнімі құрылыстағы сылақ жұмыстарының барлық түріне пайдлаланылады. Қазіргі күні біздің өнімімізге сұраныс жоғары", – дейді серіктестік директоры Жолдас Үмбетияров.
Өңірде соңғы жылдары құрылыс қарқынды жүріп жатыр. Соған байланысты, цех алдағы уақытта өндірісті дамыту мақсатында әріптестік байланысты да қолға алмақ ниетте.
Құралай Қуатова
