Атырау облысында жоғалған құжаттарға кредит рәсімдеген күдікті ұсталды. Бұл туралы ІІМ Криминалдық полиция департаменті Киберқылмысқа қарсы күрес орталығы басшысының міндетін атқарушы Рүстем Дүйсетаев айтты, деп хабарлайды inbusiness.kz тілшісі.
"Атырау облысының полиция қызметкерлері семейлік тұрғынды ұстады. Ол әлеуметтік желіде жоғалған құжаттар бойынша хабарландыруды тауып алып, сол деректердің негізінде басқа адамдардың атына микрокредит рәсімдеген", – деді басшы ІІМ-де өткен онлайн-брифингте.
Оның айтуынша, тұрғындар қарызы барын тек кредит төлейтін уақыт өтіп кеткен кезде білген.
"Күдікті 350 адамды алдаған. Шығынның мөлшері 10 млн теңгеден асады", – деді Рүстем Дүйсетаев.
Дәурен Ерболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
