/img/tv1.svg
RU KZ
Атырау және Маңғыстау облыстарына пойыздар қайта қатынайды

Атырау және Маңғыстау облыстарына пойыздар қайта қатынайды

Жолаушылар пойыздарының қозғалыс кестесі бойынша барлық ақпаратты «105» нөмірі арқылы алуға болады.

18 Қыркүйек 2020 16:57 175

 Атырау және Маңғыстау облыстарына пойыздар қайта қатынайды

Атырау және Маңғыстау облыстары әкімдіктерінің хаттары негізінде және Индустрия және инфрақұрылымдық даму министрлігінің келісімі бойынша 2020 жылғы 25 қыркүйектен бастап Атырау және Маңғыстау облыстарына жолаушылар пойыздары қатынай бастайды:

1) №37/38 «Маңғыстау – Нұр-Сұлтан Нұрлы жол» пойызы Маңғыстаудан 2020 жылдың 26 қыркүйегінен бастап, Нұр-Сұлтаннан 2020 жылдың 28 қыркүйегінен бастап жөнелтіледі;

2) №41/42 «Атырау – Алматы-1» пойызы Атыраудан 2020 жылдың 26 қыркүйегінен бастап, Алматыдан 2020 жылдың 28 қыркүйегінен бастап жөнелтіледі;

3) №47/48 «Атырау – Нұр-Сұлтан Нұрлы жол» пойызы Атыраудан 2020 жылдың 25 қыркүйегінен бастап, Нұр-Сұлтаннан 2020 жылдың 27 қыркүйегінен бастап жөнелтіледі;

4) №77/78 «Алматы-2 – Маңғыстау» пойызы 2020 жылдың 25 қыркүйегінен бастап Алматыдан және Маңғыстаудан жөнелтіледі;

5) №309/310 «Маңғыстау – Ақтөбе» пойызы Маңғыстаудан 2020 жылдың 25 қыркүйегінен бастап, Ақтөбеден 2020 жылдың 26 қыркүйегінен бастап жөнелтіледі;

6) №313/314 «Атырау – Маңғыстау» пойызы Атыраудан 2020 жылдың 25 қыркүйегінен бастап, Маңғыстаудан 2020 жылдың 26 қыркүйегінен бастап жөнелтіледі;

7) №691/692 «Ақтөбе – Атырау» пойызы 2020 жылдың 25 қыркүйегінен бастап Ақтөбеден, 2020 жылдың 26 қыркүйегінен бастап Атыраудан жөнелтіледі.

Ұлттық тасымалдаушы жолаушылардан жол жүру құжаттарын онлайн, соның ішінде ресми BILET.RAILWAYS.KZ сайты арқылы ресімдеулерін, жолаушылардан санитарлық-карантиндік талаптарды, әлеуметтік қашықтықты (кемінде 1 метр), вокзал аумағында және пойыз ішінде бетперде режимін қатаң сақтауларын сұрайды. Сондай-ақ, сапарға шығар күні билеттер болмаған жағдайда, «Күту парағы» атты тегін қызметті пайдалануға болады.

Теміржол вокзалдары санитарлық нормаларға сай жұмыс істейтін болады

15 мамырда Қазақстан аумағы бойынша жүретін жолаушылар пойыздарына билеттер сатылымы ашылды. 

16 Мамыр 2020 07:54 537

2020 жылдың 1 маусымынан ішкі теміржол қатынастары кезеңімен қалпына келтіріледі, деп хабарлайды  «Қазақстан темір жолы» АҚ   баспасөз қызметі. 

Осымен байланысты коронавирус індеті таралуын болдырмау мақсатында Көліктегі бас мемлекеттік дәрігерімен пойыздар мен вокзалдарда санитарлық-карантиндік режимін қамтамасыз етуде бірқатар талаптар енгізілген болатын. 

Атап айтқанда, теміржол жолаушылар тасымалы саласындағы Санитарлық-эпидемиологиялық қызметтің негізгі уақытша санитарлы-карантиндік нормаларына сәйкес жолаушыларға теміржол вокзалы ғимараттарына маскамен ара қашықтықты (1 метр) сақтау міндетімен рұқсат етіледі. Вокзал кіреберісінде жеке қауіпсіздік қызметімен жолаушыларды тексеру үшін байланыссыз термометрия жүргізіледі. Кімнің дене қызуы жоғары болса, онда ол ішке кіргізілмейді.  

Вокзал аумағында тұрған адамдар арасындағы 1 метрден кем емес қашықтықты сақтау бойынша шаралар міндетті болады. Осыған байланысты жолаушылар әлеуметтік қашықтықты ары қарай да сақтауы үшін еденге қашықтық белгілері сызылып, касса залдары мен күту залдарында орналастырылған орындықтарда қашықты сақтау туралы нұсқамалар белгіленген, қабырғаға тақырыптық флаерлар ілінген. Жолаушылар үшін әлеуметтік қашықтық пен санитарлық нормаларды сақтау қажеттігі туралы ескертпелер вокзалдардағы аудио және бейнетарату құралдары арқылы да жүргізіледі.   

Байланыстарды барынша төмендету үшін билеттерді BILET.RAILWAYS.KZ сайты, «ҚТЖ билеттері» мобилдік қосымшасы, өзге де сайттар, өз өзіне қызмет көрсететін автоматтар арқылы рәсімдеуге кеңес беріледі. Сондай-ақ бұрын рәсімделген билеттерді кезеңімен, билет кассаларында жаппай кептеліс туғызбай қайтару керек. 

Теміржол вокзалдары жағдайында жұмыс істеу режимі көрсетіле отырып ашық билет кассаларының (2020 жылдың 15 пен 30 мамыр кезеңінде) тізімі берілген. Билеттер кассалары елді мекендерде орнатылған карантиндік жағдайға байланысты күндізгі уақытта жұмыс істейді. 

Вокзалдардың барлығында жолаушылар қолымен ұсталынатын еден, терезе, қабырға, есік тартпалары, тұтқалары, орындықтар мен өзге де жерлерді зарарсыздандыру салфеткаларымен (немесе зарарсыздандыру қоспаларымен) сүрту, жуу мен зарарсыздандыру құралдарымен жиі тазарту жүргізу арқылы күшейтілген санитарлық режимі қаматамасыз етілетін болады.

Ауа ылғалдылығы мен температурасының оптималды жағдайын қамтамасыз ету үшін қоршаған ауаны баптау мен желдету жүйелеріне (тазарту, жуу, зарарсыздандыру, сүзгісін ауыстыру және өзгелері) ревизия жүргізу бойынша жұмыстар басталды. 

Вокзалдарда табиғи желдету мүмкіндіктерімен барлық ғимарат 15 минуттан кем емес күніне 3 рет тазартып отырылады.

Денсаулық жағдайына қатысты қатаң талаптар: барлық қызметкер ауысым алдында міндетті термометриямен медициналық куәландырудан, жеке/қоғамдық гигиена ережелерін сақтау қажеттігі туралы, COVID 19 кезінде жеке қорғаныш құралдарын пайдалану алгоритмі бойынша міндетті нұсқаулықтан өту, сондай-ақ оларды бұлжытпай орындауды қадағалау теміржол вокзалдары мен пойыздар қызметкерлеріне де қойылатын болады.

Пойыздар карантин жарияланған қалаларға бармайды

Жолаушыларға карантиндегі қалаларға бармау және де алдын ала алынған билеттерін өткізу ескертілді. 

22 Наурыз 2020 18:17 733

«Қазақстан темір жолы» Ұлттық компаниясы» акционерлік қоғамының өкілдері ел тұрғындарына пойыздардың карантин жарияланған қалаларға бармайтынын немесе ол қалаларды айналып өтетінін ескертті, деп хабарлайды ҚазАқпарат.

«Құрметті жолаушылар! Бұған дейін хабарланғандай, 2020 жылдың 22 наурызы 00.00 сағатта Нұр – Сұлтан мен Алматы қалаларына карантин енгізілуіне байланысты жолаушылар пойыздары бұл қалаларға жүрісін тоқтатады, ал кейбірі тоқтаусыз транзитпен өтіп кетеді. Жолаушылардан аталған карантиндегі қалаларға бармауын және де алдын ала алынған билеттерін өткізуін өтініп сұраймыз»,-делінген хабарламада.

Пойыздардың қозғалыс кестесі туралы барлық ақпаратты ҚТЖ сайтында және BILET.RAILWAYS.KZ сайтынан алуға болады.