Өткен жылы Атырау қалалық тұрғын үй секторында кезекте тұрған қала тұрғындарына 18 көпқабатты үйдегі 1215 пәтер пайдалануға берілген.
Қалалық тұрғын үй-коммуналдық шаруашылығы, жолаушылар көлігі және автокөлік жолдары бөлімі берген мәліметке сүйенсек, қазіргі таңда тұрғын үй кезегіне тіркелгендер саны 17 694 адамды құрайды.
Олардың арасында халықтың әлеуметтiк жағынан әлсiз тобына жататындар – 5680, мемлекеттiк қызметшi, бюджеттiк ұйымдардың қызметкерi, әскери қызметшi және мемлекеттiк сайланбалы қызмет атқаратын адамдар – 10910, жетiм және ата-анасының қамқорлығынсыз қалған балалар саны – 888, жалғыз тұрғын үйi Қазақстан Республикасының заңнамасында белгiленген тәртiппен авариялық жағдайда деп танылған азаматтар – 216 адамды құрайды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
