Атырауда 300 мың теңге салынған әмиянды қайтарған оқушылар марапатталды

250

Атырау облысында жоғалған ақшаны иесіне қайтаруға көмектескен 6 және 7-сынып оқушылары құрметке бөленді, деп хабарлайды inbusiness.kz сайты.

Атырауда 300 мың теңге салынған әмиянды қайтарған оқушылар марапатталды Фото: polisia.kz

Олар көшеден шамамен 300 мың теңге салынған әмиян тауып алып, полиция қызметкерлеріне тапсырған.

Оқушылардың адал әрекетінің арқасында тәртіп сақшылары әмиян иесін анықтап, ақшасын қайтарып берген.

Бұл оқиға Атырау облысы полиция департаментінің назарынан тыс қалмады. Департамент басшысы Оңал Бекеев Зейнолла Қабдолов атындағы мектепке арнайы барып, оқушылармен кездесті.


Ол балаларға адалдығы мен азаматтық жауапкершілігі үшін алғыс айтып, алғыс хаттар мен естелік сыйлықтар табыстады.

Полиция өкілдері оқушылардың бұл әрекеті адамгершілік пен адалдықтың жарқын үлгісі екенін атап өтті. Осындай игі істер өскелең ұрпаққа үлгі болары сөзсіз.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу