Бұл туралы Атырау қалалық құрылыс бөлімінің басшысы Тимур Басаров мәлімдеді, деп хабарлайды atpress.kz.
Қазіргі уақытта "Береке" ықшам ауданындағы 72 пәтерлік 17 тұрғын үй және "Нұрсая" шағын ауданындағы 72 пәтерлі 8 тұрғын үй, сондай-ақ, қаладағы Байжігітов көшесіндегі 30 пәтерлік үйдің құрылысы жалғасуда.
Сондай-ақ, Ақсай ауылы мен Атырау қаласында 350 орындық екі музыкалық мектеп салынбақшы. Бүгінде оның құрылысына жобалық-сметалық құжаттама әзірленген.
Алдағы уақытта облыс орталығында бес жаяу жүргіншілер өткелі пайдалануға беріледі. Жобалық-сметалық құжаттамаға оң қорытынды жасалды, тиісінше, құрылыс-монтаж жұмыстарына конкурс жарияланған.
Сонымен қатар, келешекте "Нұрсая" ықшам ауданына саябақ салынып, Жеңіс саябағы кеңейтіліп, Еркінқала ауылында спорттық-сауықтыру кешені іске қосылады деп жоспарланған.
