Атырауда 42 шақырымға жүгіруден марафон өтеді, деп хабарлайды atr.kz.
Спорттық шараны жергілікті әкімдік пен облыстық жеңіл атлетика федерациясы бірлесіп ұйымдастырып отыр. Басты мақсат – салауатты өмір салтын насихаттау, бұқаралық спортты дамыту.
"ATYRAU MARATHON 2018" жарысы 3 қашықтық деңгейі бойынша өтеді. Біріншісі — 4 500 метрге жаппай жүгіру. Оған 16 жастан жоғары азаматтар қатыса алады. Екіншісі – 10 шақырымға жүгіру. Үшіншісі – марафон. Оның қашықтығы - 42 шақырым, 195 метр. Жарысқа 18 жастан асқан азаматтар қатысып, бағын сынауға мүмкіндігі бар.
Мәреге жеткен қатысушылардың барлығы "Атырау марафон — 2018 жыл" естелік медалімен марапатталатын болады.
Марафон 13 мамыр күні өтеді. Бүгінде қатысушыларды тіркеу жұмыстары басталып кетті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
