Автокөлікті мас күйде жүргізу жол жүрісіндегі ең ауыр құқық бұзушылықтардың бірі болып есептеледі. Себебі мас жүргізуші-ол қылмыскермен тең.
2021 жыл бастала салысымен Патрульдік полиция қызметкерлерімен мас күйінде көлік басқарған 18 жүргізуші жауапкершілікке тартылып үлгерді.
Мысалы, 13 қаңтар күні сағат 02:25 шамасында патрульдік полиция қызметкерлерімен Құрманғазы көшесінде орналасқан "Sinoil" жанар-жағармай бекетінің тұсынан "Toyota Land Cruiser” маркалы автокөлігі тоқтатылып, тексеріс кезінде автокөліктің 31 жастағы жүргізушісі медициналық куәландырудың қорытындысы бойынша мас күйде екендігі анықталып, оған қатысты ҚР ӘҚБтК-нің 608 бабының 1 бөлімімен әкімшілік хаттама жасақталып, сот шешімімен аталған азамат 15 тәулікке қамауға алынып, 7 жыл мерзімге жүргізуші құқығынан айырылды.
Ал, өткен 2020 жылы полиция қызметкерлері мас күйінде көлік жүргізген 558 жүргізушіні жауапқа тартты. Олардың 11-і әйел жүргізушілер.
Аталған жүргізушілердің барлығы ҚР ӘҚБтК-нің 608 бабымен әкімшілік жауапкершілікке тартылып, сот шешімімен әрқайсысы 15-20 тәулік аралығында қамауға алынып, 7 жыл мерзімге көлік жүргізу құқықтарынан айырылса, бұрын мас күйде көлік жүргізгені үшін көлік басқару құқығынан айырыла отырып, мас күйінде қайтадан көлік тізгіндеген 57 жүргізушіге ҚР ҚК-нің 346 бабымен қылмыстық іс қозғалды.
