Атырауда атыс салдарынан 2 адам көз жұмды, деп хабарлайды inbusiness.kz.
Облыстық полиция департаментінің мәліметінше, атыс 15 наурыз кешкі сағат 22:10-да болған.
"2 адамға оқ тиіп, олар көз жұмған (1995, 1999 жылдары туған), жарақат алған тағы бір адам ауруханаға жеткізілген (1995 жылы туған). Жедел-тергеу тобы оқиға орнынан алыс емес жерден 1999 жылы туған адамның мәйітін тапқан", – деп жазылған департамент хабарламасында.
Полиция оқ атқан күдіктіні ұстады.
"Ол – 1993 жылы туған Маңғыстау облысының тумасы. Ол уақытша ұстау абақтысына қамалды. Күдіктінің айтуынша, атыс араздықтан болған", – дейді полициядан.
Қазіргі уақытта екі немесе одан да көп адамды өлтіру бабы бойынша сотқа дейінгі тергеу жүріп жатыр. Қалған ақпарат тергеу мүддесіне сәйкес жарияланбайды.
