Өрт сөндіру қызметі шақырту орнына дереу жетіп, "Lada Granta" автокөлігінің жануын және қасында орналасқан уақытша тұрғын үйге қауіп барын анықтаған, деп жазады inbusiness.kz сайты.
"Құтқарушылардың жедел іс-қимылының нәтижесінде уақытша тұрғын үйден 29 жастағы анасы мен 2025 жылы дүниеге келген сәбиін эвакуациялап, "Апаттар медицинасы орталығының" дәрігерлері алғашқы медициналық көмек көрсетті", – делінген ТЖД таратқан хабарламада.
Тұрғын үйге жақын тұрақтаған автокөліктің өртенуі салдарынан үйдің есік, терезелерінің балқып кетті. Өрт сағат 15:42-де толықтай жойылды. Қазір өрттің шығу себебі анықталып жатыр.
Өртті сөндіруге Атырау облысы ТЖД 9 құтқарушы, 2 бірлік техника, "АМО" ММ 3 қызметкер, 1 бірлік техника жұмылдырылды.
ТЖД облыс тұрғындары мен қонақтарына тұрмыстағы, тұрғын үйдегі, автокөліктегі өрт қауіпсіздігі ережелерін қатаң сақтау керектігін еске салады.
