Атырауда аяқталмаған монша шығармашылық орталыққа айналады

966

Аймақ басшысы моншаның жанында орналасқан киноконцерт залының да құрылысы аяқталып, оның мәртебесі өз қалпында қалатынын айтты.

Атырауда аяқталмаған монша шығармашылық орталыққа айналады

Атырауда аяқталмаған монша шығармашылық орталыққа айналады. Қазіргі таңда нысанның жобалық-сметалық құжаттамасы әзірленуде, деп хабарлайды Атырау облысының өңірлік коммуникациялар қызметі.

Бұл туралы аймақ басшысы Нұрлан Ноғаев тұрғындар алдында есеп беру кездесуінде мәлімдеді. 
"Бүгінде біз әуежай бойында орналасқан аяқталмаған моншаға тағы екі қабатты қосуды жоспарлап отырмыз. Қалада шығармашылық орталық ашу керек", – деді Нұрлан Ноғаев.

Атырау облысының әкімі атап өткендей, кәсіпкерлердің бірі мекеменің құрылысына келісімін берді. Жаңа орталықта түрлі шығармашылық өкілдері – суретші, сәулетші, ақын, мүсінші, қолөнерші және басқа да мамандар жұмыс істейтін болады. Мұнда ересектер мен балалар өнер үйренеді.

Сондай-ақ, аймақ басшысы моншаның жанында орналасқан киноконцерт залының да құрылысы аяқталып, оның мәртебесі өз қалпында қалатынын айтты.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу