Атырауда балық аулауға шыққан 17 жасар жасөспірім суға кетті

138

Қайғылы оқиға 3 мамырда шамамен сағат 17:25-те Еркінқала ауылында болды.  

Атырауда балық аулауға шыққан 17 жасар жасөспірім суға кетті Фото: elements.envato.com

Суға кеткен жасөспірімді іздеуге ТЖ департаментінің 19 құтқарушысы, 6 жүзу құралы және 5 техникасы жұмылдырылды, деп хабарлайды inbusiness.kz сайты.

ТЖ департаментінің берген ақпараты бойынша, 2007 жылы туған Атырау тұрғыны Жайық өзені үстінде моторлы қайықтан суға түсіп кетіп, кері судың бетіне шықпай қалған.

Сонымен қатар іздестіру жұмыстарына полиция департаментінің 8 қызметкері мен 3 техникасы да қатысуда. Іздестіру жұмыстары тоқтаған жоқ.

Суға кеткен жасөспірім 2007 жылы туған, дзюдомен айналысқан, жарыстарға қатысып жүрген.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу