Атырауға 200 мобильді төлем құрылғысы жеткізілді. Жылдың соңына дейін барлық қоғамдық көлікке стационарлық валидаторлар орнатылады. Атырау қаласы әкімінің орынбасары Мейірім Қалауидің айтуынша, наурыз айының басынан бастап облыс орталығында "Цифрлық Қазақстан" бағдарламасы аясында қоғамдық көлікте жол жүру төлемдерін автоматтандыру бойынша жұмыстар жүргізілуде.
"Қазіргі уақытта "Smart-ТКШ" компаниясы 6 тасымалдаушы-компаниямен келісімшартқа қол қойды. 1 қазаннан бастап барлық жол серіктерге 200 мобильді төлем құрылғысын шығаруды жоспарлап отырмыз. Барлық автобустарға QR кодтарын тағайындап, төлемдердің басқа түрлерін жасауға болатын "SmartQala" мобильді қосымшасы іске қосылады. Электрондық билет жүйесін енгізудегі мақсат – қоғамдық көлік жұмысының ашық болуын қамтамасыз ету, – дейді әкімнің орынбасары.
Осылайша, валидатор автоматты түрде автобустардағы жолаушылардың қозғалысын, жалпы есепті оқи отырып, ақпаратты электрондық дерекқорға жүктейді. Жаңа жүйенің енгізілуінің арқасында қоғамдық көлікте қызмет көрсету сапасы, жүргізушілердің және жол серіктердің жалақысы, сонымен қатар, тасымалдаушы компаниялар табысы, бюджетке түсетін салық түсімі көбейетін болады. Бұдан басқа, автобустардың қызмет ету сапасы артады, себебі қоғамдық көліктің техникалық күйін жақсы жағдайда ұстау үшін қаражат төленетін болады.
"Пилоттық жоба кезінде жолаушылар валидатор арқылы қолма-қол ақша төлейді. Жүйе іске қосылғаннан кейін арнайы төлем карточкалары енгізіледі. Кез келген азамат үшін жол жүру картасының құны – 300 теңге. Зейнеткерлер мен мүгедектерге және ардагерлерге арнайы тегін карталар беріледі", – деп атап өтті "Smart-ТКШ" компаниясының өкілі Ерлан Нұрланұлы.
Еске сала кетейік, Астана мен Алматыда электронды билеттерді сату жүйесі офф-лайн режимінде енгізілді. Атыраудағы жобаның артықшылығы – төлемдердің онлайн-форматта қабылдануы. Бұл жолаушылардың санын біле отырып, сондай-ақ автобустардың бір-бірімен байланыста болуына, күнделікті жұмыстары туралы ақпарат алуға мүмкіндік береді.
"Жалпыға қолма-қол ақша, банк картасы, Bluetooth, NFC-қосымшасы бар смартфон, sms-хабарландыру және QR-коды үшін 9 түрлі төлем түрлері болады. Айта кетейік, қыркүйек айының соңында қалаға 20 жаңа автобус қабылданады. Жылдың соңына дейін Атырауға 100 автобус шығып, жаңа қоғамдық көліктер төлем құрылғыларымен жабдықталады.
