Атырауда Нигерия Федералдық Республикасының азаматы синтетикалық есірткі заттарын сақтау және тасымалдаумен айналысқан, деп хабарлайды inbusiness.kz .
"Аталған 1998 ж.т. ер адамды Атырау ОПД Есірткі қылмысына қарсы іс-қимыл басқармасының қызметкерлері Ұлттық қауіпсіздік комитетінің Атырау облысы бойынша департаментімен бірлесе жүргізген "Қарасора-2022" жедел алдын алу іс-шарасы кезінде анықтап, ұстаған. Shevrolet cruze маркалы автокөлігін тінту кезінде әрқайсысы салмағы шамамен 1 гр болатын таспаға оралған 5 дана полиэтилен қап тәркіленді. Сараптама нәтижелері бойынша тәркіленген зат жалпы салмағы 5 гр "мефедрон" синтетикалық есірткісі екендігі анықталды", – деп жазылған облыстық полиция департаментінің хабарламасында.
Қазіргі уақытта күдікті Атырау қаласында уақытша устау изоляторына қамауға алынып, оған қатысты ҚР ҚК-нің 296 бабы 4 бөлігі бойынша сотқа дейінгі тергеу амалдары жүргізілуде.
