Белгілі болғандай, ол – Еркінқала ауылының Марғұлан есімді тұрғыны болып шықты. Оның ерсі қылығын 31 мамыр күні таныстары бейнетаспаға түсіріп алған. Бейнежазба Instagram арқылы "Қайырымды жүрек" тобының көмегімен кең таралып, жұртшылықтың ашу-ызасын тудырған еді. Облыстық полиция департаменті баспасөз қызметі хабарлағандай, ер адам иттің басын тоңазытқыштың есігіне қысып, қылғындырған. Ол куәгерлер "Мака, бізше шашлық керек емес" дегеніне қарамастан жануарды қинауын жалғастыра береді.
Сондай-ақ, бұған дейін Атырау маңындағы елдімекендердің бірінде екі ер адамның иттерді атқан фото және бейнетаспалары да тараған еді. Олар өздерінің не істеп жатқанын жариялаған топ әкімшілерін қорқытпақ болып, қоқан-лоқы да көрсеткен. Қазірде осы дерек бойынша ҚР Қылмыстық Кодексінің жануарларды қинап, ұрып-соғу дерегі бойынша сотқа дейінгі іс тергелуде.
Құралай Қуатова
