Атырау облысындағы Жангелдин ауылында із-түссіз жоғалып кеткен Наурыз бен Мирамгүлді іздеу бес күннен астам уақыттан бері жалғасып жатыр, деп хабарлайды inbusiness.kz сайты "Ақ Жайық" газетіне сілтеме жасап.
Жергілікті басылымның жазуынша, қазір аумақта полиция мен Ұлттық ұланның аз ғана күші жұмылдырылып, жылжымалы штаб құрылған. Құқық қорғаушылардың айтуынша, іздеу мен тергеу жұмыстары тоқтаған жоқ, бұрын мұнда ауқымды шаралар өткізілгеніне қарамастан жалғасып жатыр.
Полиция қызметкерлерінің бірі аты-жөнін атамауды сұрап, тергеу барлық нұсқаларды қарастырып жатқанын айтты. Оның ішінде күдіктінің тұрған жеріне байланысты нұсқа да бар. Бұл аумаққа назар аударылуы бекер емес.
"Күдікті Сұлтан Сарсемалиев пен жұбайы Ақбаян осы маңда 50 мың теңгеге уақытша үй жалдап тұрған. Олар біраз уақыт сонда өмір сүрген. Көршілес үйлердің бір бөлігі бос, бір бөлігі жалға берілген. Үйдің ішінде тергеушілердің мұқият жұмысының іздері байқалады. Бөлме толық қаралған, заттар шашылып жатыр. Бөлменің ортасында кілем ұқыптап жинаулы тұр. Терезенің бір жақтауынан пломбаны алғаннан кейін тергеу кезінде қолданылатын қызыл бояудың ізі қалған. Аула мен маңайда бұрын жүргізілген жұмыстардың іздері сақталған. Жер қазылған, кей жерлерде техниканың іздері көрінеді", – делінген ақпаратта.
Геолог ықшамауданы біркелкі салынбаған, саяжайлармен шектесетіні де айтылған. Бейнебақылау камералары да аз көрінеді.
Тергеу барысында сұралған ықшамауданның тұрғындары оғаш әрекеттерді байқамағанын айтқан.
"Ресми түрде тергеу барлық нұсқаны қарастырып жатыр. Дегенмен жүргізіліп жатқан жұмыстар жоғалғандардың қаза болуы мүмкін деген болжамға көбірек көңіл бөлініп отырғанын көрсетеді. Іздеу және тергеу жұмыстары жалғасуда", – деп жазады басылым.
