Атырауда полицейлер өртеніп жатқан көпқабатты үйден 30 тұрғынды құтқарды, деп хабарлайды inbusiness.kz.
Облыстық полиция департаментігінің дерегінше, 30 қаңтарда кешкі сағат 17:30-да Вокзал маңы, 3 мөлтек ауданындағы көпқабатты үйдің бірінші қабатында газ құбыры жарылып, өрт шыққаны туралы хабарлама түскен.
"Өрттің шыққанын полицейлер байқаған. Олар 30 тұрғынды қауіпсіз жерге көшірген. Сондай-ақ тәртіп сақшылары өртеніп жатқан пәтерде ұйықтап қалған ер адамды алып шықты", – деп жазылған хабарламада.
Оқыс оқиғадан ешкім зардап шекпеген.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
