Атырау қаласы прокуратурасының тексерісінен кейін, аяғы ауыр әйелге медициналық қызмет көрсету кезінде №3 қалалық емхана қызметкерлерінің кәсiптік мiндеттерiн тиiсiнше орындамағаны анықталған. Бұл факті бойынша Қазақстан Республикасының Қылмыстық кодексінің 317-бабының 3-бөлігімен сотқа дейінгі тергеп-тексеру басталды.
"Іс облыстық полиция Департаментінің өндірісінде. Облыс прокуроры аталған қылмыстық істің жан-жақты және объективті тергелуін ерекше бақылауға алды",– делінген прокуратура таратқан хабарламада.
Сондай-ақ, бұндай жағдай №4 және №5 қалалық емханаларында да орын алған. 5 анаға медициналық қызмет толық көрсетілмеген.
Аталған фактілер қала прокуратурасының ақпараттарды есепке алу кітабына тіркеліп, процестік шешім қабылдау үшін қалалық полиция басқармасына жолданыпты.
