Атырау облысында полипропилен шығаратын газ химиялық кешеннің құрылысы басталды, деп хабарлайды КазТаг.
Астанада мемлекет басшысы Нұрсұлтан Назарбаевтың қатысуымен өткен "Жаңа индустрияландыру: қазақстандық барыстың қадамы" ұлттық телекөпір барысында құрылысқа бастау берілді.
"Жобаны жүзеге асырумен – "Ұлттық индустриалды мұнай химиялық технопаркі" арнайы экономикалық аймақтың аумағында полипропилен шығаратын интеграцияланған газ химиялық кешеннің бірнші фазасының құрылысын "KPI Inc."ЖШС жүргізуде. Бүгінде лицензия беруші анықталды –CB&I Lummus компаниясы, бас мердігер таңдалып қойылды, жобалық сметалық құжатнама жасақталып, бекітілді", - деп хабарлады әкімдіктен.
Жобаның мақсаты – Қазақстанда мұнай ілеспе газын өңдеу бойынша кәсіпорын құру, өндірістік тұтынудағы тауарлар спекторы өндірісін құру.
Құрылыс барысында нысанда 4 мың адамға дейін жұмысқа тартылады, ал іске қосылғаннан кейін 500 тұрақты жұмыс орны ашылады. Бұдан басқа, өндірістің аралас салаларында 3 мыңға дейін жұмыс орны ашылады деп күтілуде.
Жоспарланып отырған газ химия өндірісі базасының өнімі 50-ден астам түрлі полимерлі өнім шығаратын шағын және орта бизнес үшін шикізат болып табылады.
