Атырау облысында 18 ақпаннан бастап бірқатар мәдени-көпшілік орындар ашылып, жұмысын бастады. Келушілерден арақашықты сақтап, бетперде режимін сақтау талап етіледі, - деп жазды inbusiness.kz тілшісі.
Махамбет атындағы драма театры көрерменге Мұхтар Әуезовтің "Айман-Шолпан", Мәлік Отарбеевтың "Баянды бақ", георгий Хугаевтың "Андро мен Сандро" қойылымдарын ұсынып отыр. Сондай-ақ, театр әртістері жақын күндері Мұқанғали Томановтың режиссерлік етуімен Антон Чеховтың "Үш апалы-сіңлілер" спектаклін қоюға әзірленіп жатыр екен.
Бұдан бөлек, мұнайлы астанада аталған күннен бастап облыстық тарихи-өлкентану музейі мен Ш.Сариев атындағы көркемсурет музейі де көпшілік үшін ашық. Нақтылай кетсек, драма театрының қойылымдары кешкі сағат 19.00-де басталады, ал музейлер бұрынғыдай күні бойы жұмыс істейді. Өңірдегі мәдени-көпшілік мекемелер бұған дейін бір ашылып, облыс "қызыл аймаққа" енген кезде қайтадан жабылып қалған еді.
Құралай Қуатова
