/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 434,31 Brent 36,55
Атырауда «тегін дәрі тарату» операциясы жүзеге аспады

Атырауда «тегін дәрі тарату» операциясы жүзеге аспады

Жергілікті полиция жиналғандарды таратып, жеті адамға қатысты іс қозғады.  

04 Шілде 2020 16:12 312

Атырауда «тегін дәрі тарату» операциясы жүзеге аспады

Атырау қаласында бұған дейін қалада орналасқан «Брандо» зауытының шприцтері тегін таратылғанын жазған болатынбыз. Демеушілер көмегімен жүзеге асқан бұл акция ың-шыңсыз өткен-ді. Алайда, «KomekAtyrau» қоғамдық бірлестігінің 4 шілде күнгі сағат 10.00-де мұнайлы астанадағы «Авангард» ықшам ауданының соңғы аялдамасында тұрғындарға тегін дәрі-дәрмек тарата алмады.

Хабарландыру құлағына жеткен қала халқы акция орнына бірнеше сағат бұрын жиналды. Су тегінге дәріханалардан ұшты-күйлі жоқ болған новокаин, цефазолин, аспирин, сондай-ақ, тегін медициналық бетперде алғысы келген адамның көптігі сондай, сол жерде талас-тартыс, дау-дамай болып, оқиғаға полицейлердің араласуына тура келген. 

«Полиция қызметкерлері акцияға жиналған халықты таратты, жеті адамға қатысты жинақталған іс-құжаттар шешім қабылдау үшін  қалалық санэпидстанцияга тапсырылды» деп хабарлады облыстық полиция департаментінің баспасөз қызметі. Өз кезегінде, қалалық әкімдік те баспасөз қызметі арқылы «бұл акцияға ешқандай қатысы жоқтығын, оны ұйымдастырған қала басшылығы» еместігін мәлімдеді.

Тәртіп сақшылары «артық қылам деп тыртық қылған» бірлестік қызметкерлерінің көп мөлшердегі дәрі-дәрмекті қалай алғанын да тексеруі мүмкін. Себебі, қазіргі қойылып отырған талап бойынша, тапшылық етіп отырған дәрілер бір қолға бес данадан артық берілмейді. Оның үстіне, дәріханаларда соңғы күндері қызу өлшейтін құралдар мен аскорбин қышқылына дейін жоғалып кетіп, сөрелер тазарып қалды.

«Қазір барлық дәріханалар жеке қолға қарайды. Біз олардың қызметіне араласа алмаймыз. Алайда, облыс әкімінің тапсырмасымен демеушілер көмегімен дәрі-дәрмектер жеткізіп жатырмыз. Сондай-ақ, «СК Фармация» желісі арқылы емдеу мекемелеріне дәрі-дәрмектер жеткізудің жолдары қарастырылдуда», – дейді облыстық денсаулық сақтау басқармасының басшысы Нұрлыбек Қабдықапаров. 

Құралай Қуатова,

Атырау облысы

Атырауда аялдамада тұрғандарды көлік қағып кетті

37 жастағы әйел мен 3 жасар бала жедел жәрдем бригадасы келгенге дейін көз жұмды, ал 5 жасар қыздың миы шайқалып, жамбас сүйегі сынған.

25 Қыркүйек 2018 09:30 527

Атырауда аялдамада тұрғандарды көлік қағып кетті

Атыраудағы автобус аялдамасында тұрған әйел мен 3 жасар баланы көлік қағып кетіп, екеуі де оқиға орнында көз жұмды, деп хабарлайды ҚазАқпарат.

«Қайғылы оқиға қала маңындағы Құрсай кентіне қатынайтын №5 автобустың ақырғы аялдамасында болды. Жол апатынан 3 адам зардап шекті. 37 жастағы әйел мен 3 жасар бала жедел жәрдем бригадасы келгенге дейін көз жұмды, ал 5 жасар қыздың миы шайқалып, жамбас сүйегі сынған. Бүлдіршін облыстық балалар ауруханасына жеткізілді», - деді Атырау облысы ІІД баспасөз қызметінің өкілі.

ІДД баспасөз қызметінің мәліметінше, жол-көлік оқиғасы ҚР ҚК 345-бабы, 2-бөлігіне («Көлік құралдарын басқарған тұлғалардың жол қозғалысы немесе көлік құралдарын қолдану ережесін бұзуы») сәйкес сотқа дейінгі тергеп-тексерудің бірыңғай реестрінде тіркелді. Сотқа дейінгі тергеу амалдары жүргізіліп жатыр.

16 ата-ананың ісі сотқа жіберілді

Себебі хиджап киген оқушы қыздардың ата-аналары мектеп формасын кигізуге көнбеген.

21 Қыркүйек 2018 09:47 473

16 ата-ананың ісі сотқа жіберілді

Атырауда хиджап киген оқушы қыздардың ата-аналарына айыппұл салынды, деп хабарлайды ҚазАқпарат.

«Мұндай жағдайларда ата-аналарға алдымен ескерту жасалады. Мектеп басшылары оларды көндіре алмайтын болса, заңды негізде «Ата-аналардың немесе өзге заңды өкілдердің білім саласындағы Қазақстан Республикасының заңнамасында қарастырылған міндеттерді тиісті деңгейде орындамау» ӘҚБтК бабына сәйкес әкімшілік ықпал ету шаралары қолданылады.

«16 ата-ананың ісі сотқа жіберілді. Онда 5 АЕК, яғни 12 025 теңге көлемінде қаражат өндіріп алу туралы шешім шықты», - деді өңірлік коммуникациялар қызметінде өткен брифингте Атырау облысы бойынша білім саласында бақылау департаментінің басшысы Сатқан Есенғалиев.