"Ол бауырымен Балықшыда орналасқан үйден ойнауға шығып, қайтып оралмады. Балалар 22 қаңтарда сағат 15.00-де серуенге шықты, 18.00-ге қарай кіші ұлы қайтып келіп, ағасы әрі қарай серуендеуге кеткенін айтты. Бір жарым сағат бойы ата-аналар ұлын өздері іздеп, таппай, полицияға қоңырау шалды. Баланың аты – Еппили Саяли Аннанд Раон. Ол шағылысатын элементтері бар қара-сұр куртка мен көк бас киім киген", – делінген жексенбі күнгі хабарламада.
Таңертеңгі сағат 5.30-да құтқарушылар іздестіруге қосылды. Қазіргі уақытта құтқарушылар Балықшы шағын ауданында іздестіру жұмыстарын жүргізуде, сондай-ақ Перетаска каналына сүңгуірлер түсті.
"Іздеуге Атырау облысы ТЖД-нің 17 қызметкері мен үш техникасы жұмылдырылды", – деп хабарлады ТЖД-нің қоғаммен байланыс жөніндегі тобы.
Балықшы тұрғындары мен бала оқитын мектеп мұғалімдері де іздестіру жүргізіп жатыр.
