"Жалпы Атырау облысы тұтынушылардың құқықтарын қорғау департаментіне бүгінге дейін 98 арыз келіп түсті. Оның ішінде 63 арыз бойынша түсіндірме жұмыстары жүргізілсе, 19 арызға толықтай жауап беріліп, тұтынушыларға 1 147 570 теңге кері қайтарылды. Сондай-ақ, 16 арыз бойынша көтерілген мәселелерді шешу департаменттің құзыретіне жатпайтындықтан, тиісті құзырлы органдарға жолданды. Бұдан бөлек, тұтынушылардың құқықтарын қорғау мақсатында, әлеуметтік желілерде онлайн парақшалар мен байланыс телефондары жұмыс жасайды. Жыл басынан бері 30 тұтынушы консультация алса, 27 тұтынушы телефон желісі арқылы сұрақтарына жауап алды", - дейді Тұтынушылардың құқықтарын қорғау департаментінің басшысы Әлем Уалиев.
Департаменттің бас маманы Гүлбаршын Сұлтанованың айтуынша, 100 ге жуық атыраулық тауардың сапасына шағымданған.
"Пайдаланылмаған өнім 14 күні ішінде қайтарылуға жатады. Егер 14 күні ішінде тауарды қайта алуға сатушы қарсы болса, жазбаша түрде сатушыға наразылық білдіреді. ҚР Тұтынушылардың құқықтарын қорғау туралы заңының 42 бабында белгіленгендей, 10 күн ішінде сатушы тараптан жауап келмесе, бізге шағымдана алады", – дейді Гүлбаршын Сұлтанова.
