Атырауда "Ұлттық қыздар мектебі" біржола жабылды, деп хабарлайды inbusiness.kz КТК телеарнасына сілтеме жасап.
Ауданаралық экономикалық сот жыл бойы оқушыларға лицензиясыз білім беріп келген мектептің жұмысын тоқтатқан.
Өткен жылы 100-ден астам бойжеткенді қабылдаған бұл жекеменшік оқу орнының жұмысына атыраулықтар күмәнмен қарап, әлеуметтік желіге бейнежазбалар таратты. Онда тұрғындар бұл мектепте оқитын қыз балалар түгелдей хиджабпен келетінін айтқан. Кейін ол қоғамдық резонанс туғызды.
Мектеп басшылары мұны жоққа шығарып, "мекеме қазақы салт-дәстүрді ұстанады, балалар ұлттық киімдермен келеді" деп ақталды. Бірақ жекеменшік мектепті ашқан кәсіпкерлер білім беру қызметін көрсету үшін лицензия алмай, жұмысын бастап кеткен. Заңдылыққа сай олар алты ай ішінде рұқсат алуы тиіс екен. Алайда жыл бойы лицензиясыз білім беріп, оқу жылын аяқтапты. Осылайша білім беру сапасын бақылау департаменті заңдылықтарды бұзған кәсіпкерді сотқа берген.
"Өткен жылы мәселе анықталғаннан кейін бірнеше рет тексеру жүргізілді. Атырау облысы әкімшілігі сот арқылы екі рет айыппұл салынды. Сонымен қатар бұл мектеп лицензия алуға өтініш білдірген. Алайда олардың біліктілік талаптары лицензия алуға сәйкес келмеді. Сондықтан бұл мекеме лицензиясын алмады. Біз эколоникалық мамандандырылыағн сотқа бердік. Соттың шешіміне сәйкес қызметі тоқтатылды", деді Атырау облысының білім саласындағы сапаны қамтамасыз ету департаментінің басшысы Бердібек Тайышов.
