Әсіресе Жылыой ауданында байқалған әскери колонналарға қатысты желі қолданушылары алаңдаушылық білдіріп, оқиғаның мән-жайын талқылаған, деп жазады inbusiness.kz сайты.
Осыған байланысты Қазақстан Республикасы Қорғаныс министрлігі ресми мәлімдеме жасап, жағдайдың қалыпты екенін хабарлады.
Ведомствоның мәліметінше, әуе шабуылына қарсы қорғаныс бөлімшелерінің, оның ішінде теміржол арқылы орын ауыстыруы жоспарлы түрде жүргізіліп жатқан жауынгерлік даярлық шараларының бір бөлігі болып табылады.
Министрлік өкілдері бұл жұмыстар бөлімшелердің мобильділігін арттыруға, өзара іс-қимылын жетілдіруге және нақты міндеттерді орындауға дайындық деңгейін көтеруге бағытталғанын атап өтті. Сонымен қатар, маңызды нысандар мен аумақтарды қорғау тетіктері де пысықталып жатыр.
Қорғаныс министрлігі мұндай жаттығулардың Қарулы Күштердің тұрақты тәжірибесінің бір бөлігі екенін және бекітілген жоспарға сәйкес жүйелі түрде өткізіліп тұратынын жеткізді.
