Атырауда полиция қызметкерлері күдіктінің қаруын тапты, деп хабарлайды inbusiness.kz.
Облыстық полиция департаментінің мәліметінше, әлеуметтік желіде қаладағы Авангард ықшам ауданында үш адамды атып өлтірген және бір адамды ауыр жаралаған 1993 жылғы күдікті туралы ақпарат кеңінен тараған.
"Тұрғындар күдіктіні ұстаған кезде одан қарудың табылмағанына таңғалды. Полиция қызметкерлері жедел-іздестіру іс-шараларын жүргізу барысында қылмыс болған шағын ауданның маңынан жерге көмілген екі тапаншаны тауып тәркіледі. Қарулар сараптамаға жіберілді", – деп жазылған хабарламада.
Айта кетейік, осыған дейін Атырауда үш адамды өлтірген күдікті қамауға алынғаны хабарланған. Адам өлтіру дерегі бойынша қылмыстық іс қозғалды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
