Оқиға орнына көп ұзамай түрмеде жатқан адамдардың туыс-туғандары жиналып, олардың біреуі жедел жәрдем шақырып та үлгерді. Олар оқшаулау мекемесінде қамалғандарды ұрып-соғып, күш көрсететінін, сотталған жақын-жуықтарының үнемі шағымданатынын айтады.
Шу шыққан жерге қылмыстық атқару жүйесі департаменті, прокуратура, басқа да құзырлы мекемелердің өкілдері келіп, көпшілікке мән-жайды түсіндіруге тырысты.
"Жазасын өтеушілердің ішінде бесеуі тәртіп бұзып, оларды тәртіп изоляторына қамаған. Олар сол үшін шу шығарып отыр. Ешқандай зорлық-зомбылық болған жоқ" – деп сендіреді Атырау облыстық прокуратура басқармасының бастығы Сәкен Жандырбаев.
Бұдан кейін құзырлы орган қызметкерлері сол жерде азаматтарды жеке қабылдап, арыз-шағымдарын тыңдады. "Жәбір көрдік" деп дау-дамай туғызған сотталушылардың денсаулығына байланысты арнайы сараптама тағайындалды.
Құралай Қуатова,
Атырау облысы
