Қолайсыз ауа райына байланысты Оралға келуі тиіс рейстер екі күннен бері кешігіп не тоқтатылып жатыр, деп хабарлайды inbusiness.kz сайты.
"Орал халықаралық әуежайы" ЖШС-ның баспасөз хатшысы Айнагүл Сақпосынованың айтуынша, кеше 5 рейс болса, соның үшеуі тоқтатылған еді.
Бүгін 4 рейстің біреуі келмейтін болды. Атап айтқанда, желдің екпіні секундына 17 метрге дейін жетуіне байланысты Атыраудан түске дейін келуі тиіс рейс тоқтатылды.
"Air Astana әуе компаниясының кеше тоқтатылған 319/937 Майндағы Франфурт-Астана-Орал рейсінің бүгін де ұшпайтыны жөнінде хабар келді. Ал 7365 Астана-Орал рейсі уақтылы деп тұр, бірақ белгісіз. Өйткені Астанада да жел күшейген. Сондай-ақ Алматыдан келетін 881 және 7165 рейстері кешігіп жатыр", - деді А.Сақпосынова.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
