/img/tv1.svg
RU KZ
Атырауды тағы жағымсыз иіс жайлады (видео)

Атырауды тағы жағымсыз иіс жайлады (видео)

АМӨЗ оған қатысы жоқтығын мәлімдеп отыр.

18 Қазан 2020 14:59 201

Атырауды тағы жағымсыз иіс жайлады (видео)

Атырауда соңғы күндері ауада тағы да жағымсыз иіс тарады. Ол, әсіресе, кешқұрым және түн мезгілінде күшейіп тұр. Тұрғындар мұны әдеттегідей қалада орналасқан мұнай және газ өңдеу зауытымен байланыстыруда. Тұрғындар түсіріп алған видеоларын әлеуметтік желілерде бөлісе бастады.

Бірақ АМӨЗ ЖШС бұған қатысымыз жоқ деп отыр.

«2020 жылғы 17-18 қазанда зауыт қондырғылары технологиялық режимде жұмыс жасағандығын және әлі де режиммен қызметін жалғастырып жатқандығын және авариялық жағдайлардың туындамағандығын хабарлаймыз. Технологияға сәйкес каталитикалық крекинг қондырғысы жану өнімдерінің атмосфераға енуіне жол бермейтін заманауи ВELCO (американдық технология) түтін газын тазарту жүйесімен жабдықталған. Сол арқылы қоршаған орта температурасының төмендеуіне байланысты түтін құбырларынан жылу ізі көрінеді, сол арқылы ауаға ластаушы заттардың асып кетуіне жол берілмейді»,– дейді хабарлады АМӨЗ ЖШС қоғаммен байланыс қызметінен.

Алайда 15-16 қазан күні «Қазгидромет» мекемесінің интерактивті картасында ауада күкіртсутегі бөлшектердің шамадан тыс артып кеткенін көрсеткен. Ал облыстық экология департаменті ауадағы жағымсыз иісті жақында бес күн бойына жанып, әрең өшірілген қамыс өртінің салдарымен байланыстырып отыр. 

Құралай Қуатова

АМӨЗ-де заманауи мұражай ашылды

Онда виртуалды экскурсия жасауға болады.

21 Тамыз 2020 17:32 341

Атырау мұнай өңдеу зауытында кәсіпорынның 75 жылдығына орай «тарих және еңбек даңқының» жаңарған мұражайы ашылды. 

Онда залдардың дизайны, мультимедиялық жабдықтары бар жаңа экспозициялық кеңістік интерактивті экскурсиялар өткізуге мүмкіндік береді. Ақпараттық стендтер кәсіпорынның тарихы мен жетістіктерін көрсетсе, LED экран арқылы зауытқа виртуалды экскурсия жасауға болады, бұдан бөлек, кәсіпорын жайлы деректі фильмдер де бар.

Сурет галереясына ерекше суреттер ілініп, АМӨЗ-дің бір ғасырлық мерейтойында ашылуға тиіс капсула орнатылған.

«Өткенді білу және құрметтеу – аса маңызды қасиет. Бүгінші шара зауыт мекемесінің өндіріс, экономика туралы ғана емес, рухани мазмұн, ұрпақтар сабақтастығы туралы да ойлайтындығы көрсетеді. Мұражай бұған дейінгі аға буынның бай тәжірибесі мен білім-білігін кейінгі ұрпаққа жеткізуге мүмкіндік бермек», – деп атап өтті АМӨЗ бас директоры Шухрат Данбай.

Құралай Қуатова

Иіс пен дәм сезбей қалғандар көбейді

Коронавирус соңғы уақытта әлемді есеңгіретіп тастады.  

26 Маусым 2020 21:17 856

Қазақстан халқы да діңкелеп тұр, деп хабарлайды Atameken Business теларанасы.

Белсенділігі күрт асқындаған бұл дертке шалдыққандардың кейбірі көз жұмып жатқандары өкінішті. Көптеген адамдар үйлерінде өз бетерінше ем қолдануға көшті. Себебі тамағы, басы ауырған, аузы дәм сезбейтін, ыстығы көтеріліп, бойынан әл кеткен адамдарда есеп жоқ.