Атыраулық 16 ұйым 500 мың теңгеден грант ұтып алды

817

Атыраулық грант жеңімпаздары 9 ай бойы өз жобаларын іске асырады.

Атыраулық 16 ұйым 500 мың теңгеден грант ұтып алды

Атыраулық 16 үкіметтік емес ұйым 500 мың теңге көлеміндегі грантты жеңіп алды, деп хабарлайды ҚазАқпарат.

Ішкі саясат басқармасына қарасты "Азаматтық орталығы" баспасөз қызметінің xабарлауынша, Атырауда "Samruk-Kazyna Trust" әлеуметтік жобаларды қолдау қорының "Әрекет" жобасы аясында ҮЕҰ өкілдерін әлеуметтік кәсіпкерлікке оқыту бағдарламасы аяқталды.

23-27 шілде аралығында Азаматтық орталықта өткен жобаға қатысушыларға бизнес-тренер Мадина Шынасыл түрлі тақырыптағы тренингтер жүргізді.

Жоба қорытындысы бойынша атыраулық 22 ҮЕҰ жетекшілеріне сертификат табысталды.

Ал, 16 ҮЕҰ өкілі өздерінің бизнес-идеяларын қорғап, оны жүзеге асыру үшін 500 мың теңге көлемінде грант жеңіп алды. Атыраулық грант жеңімпаздары 9 ай бойы өз жобаларын іске асырады.

Айта кетелік, конкурс шарты бойынша әр аймақтан 50 өтінімге дейін қабылданады. Атырау облысы бойынша конкурсқа 41 өтінім келіп түскен.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу