ҚР ҚК арнайы операциялар күштерінің әскери қызметшілері Іле Алатауы жотасының сілемінде 4010 метр қашықтықта орналасқан Абай шыңына шықты. Биіктікті бағындырған әскерилер шың басына қазақ елінің Туын тігіп, Абай Құнанбайұлының суреті бейнеленген мәрмәр тақтаны орнатты.
Аталған шара ұлы ойшылдың 175 жылдық мерейтойына орайластырылған. Ол Тұйықсу қақпасы деп аталатын базалық лагерден бастау алған.
"Тауға шығу өз кезегінде әскери қызметшілердің жауынгерлік машықтары мен дайындығын талап етті. Олардың арасында осындай биіктікке алғаш рет көтерілгендері де бар", - деп хабарлайды Атырау гарнизонының баспасөз қызметі.
Құралай Қуатова
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
