5 жылдың ішінде атыс қаруымен жасалған қылмыстардың саны 44%-ға азайды. Бұл туралы Орталық коммуникациялар қызметінде өткен баспасөз конференциясында ҚР ішкі істер министрлігі әкімшілік полиция комитеті төрағасының орынбасары Мақсат Байболов мәлімдеді.
"Қабылданып жатқан шаралардың тиімділігі туралы соңғы 5 жылда атыс қаруын қолдана отырып жасалған қылмыстардың саны 44%-ға азайғанын көрсетті. 2018 жылдың 10 айының қорытындысы бойынша атыс қаруын қолдана отырып жасалған қылмыстардың саны 19,7% азайды",- деді Мақсат Байболов.
Айта кетсек, 10 сәуірден бастап халықтан заңсыз сақталған атыс қаруды, оқ-дәрі және жарылғыш заттарды ерікті түрде өтемді сатып алу акциясы ұйымдастырылған болатын. Бұл мақсатқа республикалық бюджеттен 125 млн теңге бөлінген.
