Ауа-райына байланысты еліміздің 14 облысында дауылды ескерту жарияланды. Бұл туралы inbusiness.kz сайты "Қазгидромет" РМК-ге сілтеме жасап хабарлайды.
Синоптиктердің болжамы бойынша, 15 қаңтар күні Алматы қаласында тұман түсіп, көктайғақ болады.
Сонымен қатар, Абай облысының шығысында, оңтүстігінде және орталығында бұрқасын болады. Батыстан, солтүстік-батыстан соғатын жел соғады және оның екпіні 23 м/с.
Ал Ақмола облысының солтүстігі мен шығысында бұрқасын түнде болады. Облыстың солтүстігі мен шығысында оңтүстік-батыстан соғатын желдің екпіні 15-20 м/с.
Сондай-ақ, Алматы облысының батысында, оңтүстігінде, таулы аймақтарында қалың қар жауып, тұман, көктайғақ болады. Түнде және күндіз ауа температурасы 2-7 градусқа дейін күрт төмендейді. Солтүстікте, облыстың таулы аймақтарында 10-15 градус аяз болады. Облыстың солтүстігінде қарлы боран соғады. Жел солтүстік-батыстан солтүстік-шығысқа ауысады, облыстың солтүстігі мен оңтүстігінде екпіні 15-20 м/с жетеді.
Шығыс Қазақстан облысының солтүстігінде түнде қалың қар жауады. Түнде облыстың басым бөлігінде бұрқасын болады. Батыстан, солтүстік-батыстан жел соғады, екпіні 23 м/с.
Жамбыл облысының солтүстік-шығысында, таулы аймақтарда бұрқасын болады. Солтүстік-шығыстан жел соғады. Облыстың таулы аймақтарында 12 градус аяз болады.
Жетісу облысының таулы аймақтарында күндіз қалың қар жауып, тұман түседі. Солтүстік-шығыстан жел соғады. Алакөл көлі аймағында екпіні 17-22 м/с болады. Ауа температурасы күрт төмендейді (түнде 2-7). Солтүстікте, облыстың таулы аймақтарында күндіз 12-17 градус аяз болады.
Күндіз Батыс Қазақстан облысының батысында бұрқасын болады. Оңтүстік-шығыстан жел соғады, күндіз облыстың батысы мен солтүстігінде екпіні 15-20 м/с жетеді.
Қарағанды облысының оңтүстігінде тұман түседі. Түнде облыстың солтүстігі мен шығысында оңтүстік-батыстан соғатын желдің екпіні 15-20 м/с болады.
Қызылорда облысының оңтүстігінде түнде көктайғақ болады.
Маңғыстау облысының батысы мен оңтүстігінде оңтүстік-шығыстан соғатын желдің күші 15-20 м/с болады. Түнде облыстың солтүстік-шығысында 20 градустық қатты аяз сақталады.
Павлодар облысында оңтүстік-батыстан жел соғады, түнде облыстың басым бөлігінде екпіні 15-20 м/с болады.
Түнде Солтүстік Қазақстан облысының басым бөлігінде жел соғады және екпіні 23 м/с.
Түркістан облысында ауа температурасы күрт төмендейді. Сынап бағанасы түнде -4-9 градусты көрсетеді. Ал облыстың солтүстігінде -14-19 градусқа дейін аяз болады.
