Қазанның соңындағы деректер бойынша әуе компанияларының жолаушылар тасымалы үшін бағасы қыркүйекпен салыстырғанда 2,4%-ға, өткен жылдың сәйкес кезеңімен салыстырғанда 8,5%-ға қысқарды, деп хабарлайды Finprom.kz.
Ең төмен көрсеткіш (өткен жылдың қазанынан 36,9% аз) Нұр-Сұлтанда тіркелген. Одан кейінгі орында Алматы (өткен жылдың қазанынан 28,8%) және Шымкенте (өткен жылдың қазанынан 28,7%) қалалары. Алайда 17 өңірдің төртеуінде жағымды динамика байқалады. Атап айтсақ, Батыс Қазақстан, Атырау, Қарағанды, Қостанай облыстары.
2020 жылдың қаңтар-қазанында әуе компаниялары 4,4 млн адам тасымалдаған.
Бұл өткен жылдың сәйкес кезеңіндегі көрсеткіштен 38,2%-ға төмен. Тек қазан айында бұл қызмет түрін 621,5 мың жолаушы пайдаланды. Бірақ бұл қыркүйекпен салыстырғанда 2,1% жоғары.
Ал қазан айындағы жағдай бойынша әуе көлігімен 17,5 мың тонна жүк тасымалданған. Мұнда көрсеткіштер өткен жылдың осы кезеңінен 18,5% төмен. Тек қазан айындағы көрсеткіш 2,1 мың тоннаны құрайды. Қыркүйек айымен салыстырғанда зат тасымалы 16,7%-ға қысқарған.
Ал жалпы жүк айналымы 42,7 млн тонна шақырымды құрады (тш). Бұл да 2019 жылдың қазанынан 36%-ға төмен. Тек қазан айында жүк айналымы 3,6 млн тонна шақырымға тең болды. Осылайша бір айда көрсеткіштер 26,8%-ға кеміді.
Ал әуе компанияларының кірісі 154,2 млрд теңгеге тең. Бұл бір жыл бұрынғы көрсеткіштен 54%-ға төмен. Кірістің 94,9%-ы немесе 146,4 млрд теңге жолаушылар тасымалынан түскен. Компаниялардың кірісі 2,2 есе қысқарды.
Құралай Құдайберген
