Бұл туралы "Талибан" радикалды қозғалысы (ҚР аумағында тыйым салынған ұйым) құрған Ауғанстан Үкіметіндегі жоғары білім министрі Неда Мұхаммед Надим мәлімдеді, деп хабарлайды Inbusiness.kz Ауғанстанның TOLOnews телеарнасына сілтеме жасап.
Министрдің айтуынша, бірінші себеп - студент қыздардың хиджаб кию талабын жиі орындамауы.
Екінші себеп - ауылдан қалаларға келген кезде олар ер адамдардың сүйемелдеуінсіз жүрді.
Үшінші себеп - қыздар ер адамдармен бір бөлмеде бірге оқыды.
Төртінші - Ислам құқығына қайшы келетін және ауғандықтардың қадір-қасиетіне нұқсан келтіретін әйелдер оқитын мамандықтар болды. Мысалы, машина жасау мғн ауыл шаруашылығымен байланысты бағыттар бойынша.
Халықаралық қауымдастықтың Ауғанстандағы әйелдерге университеттерде оқуға тыйым салуға қатысты көзқарастарына Надим “бұл Ауғанстанның жеке жұмысы және өзгелердің бас қатыратын мәселесі емес” деп жауап берді.
Жақында ғана Сауд Арабиясы, Катар, Түркия мен басқа ислам елдері "Ауғанстан Ислам Әмірлігінің" ауған әйелдерінің университеттерге баруына тыйым салу туралы шешімін айыптады.
