Бұл туралы осы елдің премьер-министрі Мохаммад Хасан Ахуанд хабарлады, деп жазады inbusiness.kz сайты avapress.com-ға сілтеме жасап.
Оның пікірінше, ұлттық санақ елдің нақты демографиялық бейнесін анықтау және әлеуметтік-экономикалық жоспарлауды құру үшін қажет.
Дегенмен науқанның өтетін күні әзірге белгісіз. Елде соңғы халық санағы 1979 жылы өткен. Бірақ ол кезде Ауғанстан жеріндегі өңірлердің 67%-ы ғана қамтылған. Содан бері халық санағының жүргізілмеуіне қарулы қақтығыстар мен саяси алауыздық кедергі болған.
БҰҰ-ның дерегі бойынша, қазір Ауғанстан аумағында 40 миллионнан аса адам тұруы мүмкін.
"Халық санағы денсаулық сақтау, білім беру және инфрақұрылым сияқты негізгі салаларды тиімді жоспарлау үшін аса маңызды", – дейді сарапшылар.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
