Кабулдағы үкімет ғимаратына шабуылдан кем дегенде 25 адам қаза тауып, 20-дан астам адам жарақат алды, деп хабарлайды Интерфакс – Қазақстан.
Мүгедектер мен қаза болғандардың отбасы мәселелерімен айналысатын ведомствоның қызметкерлері опат болды. Сондай-ақ, шабуылдағанадардың 3-і қаза тапты.
"Аумақты тазарту операциясы шамамен жеті сағат өткеннен кейін ғана аяқталды. Бізге әзірге 25 адамның қаза тапқаны, 20-дан астам адамның жараланғаны белгілі", - деді Ауғанстан ішкі істер министрлігінің өкілі Насрат Рахими.
Ауғандық Tolo News телеарнасы хабарлауынша, шабуылға байланысты шамамен 200 мемлекеттік қызметкер эвакуацияланған. Шабуыл дипломатиялық нысандар орналасқан Кабул қаласындағы "жасыл аймақтан" бірнеше шақырым жерде орын алған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
