Біздің байқауымызша, Ауғанстандағы жағдай тұрақсызданып бара жатыр, оның арты азаматтық соғысқа ұласып кетуі мүмкін. Жаңа уақытша үкімет құрылды. Оның құрамы мен ұстанған бағытына әркім өз бағасын берді. Тәліп әкімшілігінің құрылуы, әрине, Ауғанстанда тыныштық орнады және экономикалық даму үшін қажетті жағдай жасалады дегенді білдірмейді", – деді Қасым-Жомарт Тоқаев.
Қазақстан Президенті Ауғанстандағы ахуалға алаңдаушылық білдірді. Оның пікірінше, бұл елде гуманитарлық дағдарыс басталуы мүмкін.
Отырысқа Беларусь Президенті Александр Лукашенко, Қырғызстан Президенті Садыр Жапаров, Ресей Президенті Владимир Путин (видео конференция режимінде), Тәжікстан Президенті Эмомали Рахмон, Армения Премьер-министрі Никол Пашинян, сондай-ақ ҰҚШҰ бас хатшысы Станислав Зась қатысты.
Мемлекеттер басшылары Ауғанстандағы ахуал, сондай-ақ халықаралық және өңірлік қауіпсіздік мәселелері жөнінде пікір алмасты, алдағы уақытқа бекітілген жоспарларды айқындады.
Табиғат Нұрболат
