DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 276,09 Brent 36,55
Әулиеатада 700-ден аса азамат радикалды діни көзқарастан бас тартты

Әулиеатада 700-ден аса азамат радикалды діни көзқарастан бас тартты

Жамбыл облысында барлығы 347 мемлекеттік тіркеуден өткен діни бірлестік пен филиал бар.  

17 Қазан 2019 19:59 340

Әулиеатада 700-ден аса азамат радикалды діни көзқарастан бас тартты

Жамбыл облысында 2015 жылдан бері 709 азамат радикалды діни көзқарастарынан бас тартты, деп хабарлайды ҚазАқпарат.

Облыста деструктивті діни ағымдардың мүшелері саналатын радикалды діни көзқарасты жақтаушылардың саны жыл санап азайып келеді. Мысалы, 2016 жылы – 1380 болса, 2019 жылдың бүгінгі күніне – 911-ге азайып отыр. Жалпы, 2015 жылдан бері жүргізілген оңалту жұмыстарының нәтижесінде, 709 азамат радикалды діни көзқарастарынан бас тартқаны белгілі болған. Бұл туралы облыс әкімдігінің дін істері басқармасының басшысы Жангелді Омаров мәлімдеді.

Оның айтуынша басқарма деструктивті діни идеологияның алдын алу жұмыстарына ерекше мән беріп отыр.

Аталған жұмыстар ҚР Ұлттық қауіпсіздік комитетінің Жамбыл облысы бойынша департаментімен бірлесе отырып, ҚР Ақпарат және қоғамдық даму министрлігінің Дін істері комитеті тарапынан ұсынылған оңалту критерийлеріне сәйкес жүргізілуде екен.

«Басқарма деструктивті діни идеологияға қарсы тұру бағытында мешіт имамдарының біліктілігін арттыру жұмыстарын жүргізді. Тараз қаласындағы «Һибатулла Тарази» медресесінде деструктивті діни идеологияға қарсы иммунитет қалыптастыру мақсатында облыстағы 130-ға жуық мешіт имамдарының біліктілігін арттыру курстары өтті. Оны Алматы, Нұр-Сұлтан қалаларынан келген ғылыми дәрежелі оқытушылар құрамы жүргізген болатын. Облыс көлемінде, шетелдік діни оқу орындарында оқитын 21 азамат бар. 21 азаматтың 12-і күмәнді, 9-ы сенімді діни оқу орындарында Қазақстан мұсылмандары діни басқармасының жолдамасымен білім алуда», – дейді Жангелді Омаров.

Сондай-ақ, өңірде интернет кеңістігінде діни экстремистік және террористік мазмұндағы ақпараттардың таралуының алдын алу бойынша мониторинг жұмыстары тұрақты жүргізілуде. Биылғы жылдың есепті мерзімі ішінде, 1500-ге жуық күдікті сілтеме анықталып, ҚР Ақпарат және қоғамдық даму министрлігінің Дін істері комитетіне арнайы дінтану сараптамасына жолданылыпты. Бұдан бөлек, облыста 40-қа жуық дінтанушылар мен теологтар және мешіт имамдары блогерлік жұмыстарға тартылып, қарсы насихат жұмыстары ұйымдастырылған.

«Есепті мерзім ішінде интернет кеңістігінде 2500-ден астам қарсы насихаттық ақпарат жарияланып, көпшіліктің оң бағасын алды. Халықтың діни сауатын көтеру мәселесіне де көп мән берілуде. Басқарма жастар арасында профилактикалық жұмыстарды жүргізуге ерекше назар аударған. Ақпараттық-түсіндіру жұмыстары орта, техникалық, кәсіби және жоғары білім беру ұйымдарында тұрақты түрде өткізілуде. Мысалы, жыл басынан бері облыс көлемінде жастар мен жасөспімідерге білікті дінтанушының қатысуымен 450-ге жуық іс-шара өткізіліп, 20 мыңнан астам адам қамтылды», – дейді басқарма басшысы.

inbusiness.kz-ті қараңыз, оқыңыз :

Экстремизм үшін сотталған 300-ге жуық қазақстандық оңалтудан өтті

Кешенді шаралардың нәтижесінде қамауға алынғандардың тең жартысы діни ұстанымдарын өзгерткен.

30 Қазан 2019 16:14 704

Экстремизм үшін сотталған 300-ге жуық қазақстандық оңалтудан өтті

Еліміздің түрмелерінде ислам радикализмінің 700-ге жуық жақтасы отыр. Олармен қазір қайта тәрбиелеу жұмыстары жүргізілуде. Бұл туралы Қылмыстық-атқару жүйесі мен Бас прокуратура өкілдері мәлімдеді, деп хабарлайды Atameken Business.

Ақпаратқа қарағанда, соңғы 2 жыл ішінде эктремизм үшін сотталған 300-ге жуық отандасымыз оңалтудан өткен. Жалпы бұл бағытта жұмыс істейтін арнайы қызмет елімізде 2017 жылы құрылған. Содан бастап, әрбір сотталушының жағдайы түрмеге түскен күннен жеке қаралуда екен. Яғни, алғашқы 15 күн карантиндік бөлімшеде ұсталады. Осы уақыт ішінде мекеме әкімшілігі жеке тұлғаны зерттейді, психологтар жұмыс істейді. Нәтижесінде сотталушының толық психологиялық портреті жасалады. Осындай кешенді шаралардың нәтижесінде қамауға алынғандардың тең жартысы діни ұстанымдарын өзгерткен.

«Талибан» ұйымының табысы белгілі болды

2015 жылы тәліптердің жылдық табысы 400 млн доллардан аспаған болса, қазіргі уақытта 400 млн долларды террористік топ есірткі бизнесі арқылы ғана табады.

26 Желтоқсан 2018 17:49 368

«Талибан» ұйымының табысы белгілі болды

Батыс ақпарат құралдарында Ауғанстандағы «Талибан» террористік ұйымының табысы туралы мәліметтер пайда болды. Бұл туралы ВВС-ге сілтемемен kazislam.kz хабарлайды.

Басылым мәліметінше, «Талибан» ұйымына бір жылда әртүрлі заңсыз жолдар мен басқа да көздер арқылы 1,5 млрд доллар табыс кіреді. Соңғы жылдары бұл көрсеткіш бірнеше есеге өскен. Мәселен, 2015 жылы тәліптердің жылдық табысы 400 млн доллардан аспаған болса, қазіргі уақытта 400 млн долларды террористік топ есірткі бизнесі арқылы ғана табады.

Сонымен қатар 50 миллион доллар заңсыз жерасты қазба байлықтарын саудалаумен кіреді. Осындай көлемде тағы тартып алу жолдарымен келеді. Қалған кірістерді шетелдік Иран, Пәкістан, бірқатар Парсы шығанағы елдері бөледі деген де деректер бар.

Жаңалықтарға жазылу: