Бұл туралы Орталық коммуникациялар қызметінде өткен брифингте Ауыл шаруашылығы министрлігі Стратегиялық жоспарлау және талдау департаментінің директоры Сәуле Молдабаева мәлім етті, деп хабарлады inbusiness.kz порталы.
Спикердің айтуынша аталған жобалардың 65%-дан астамы ауыл шаруашылығы саласында импортты алмастыруға бағытталған.
Оның айтуынша, қалған жобалар АӨК экспорттық әлеуетін арттыру міндеттеріне жауап береді. Олар: жаңа бордақылау алаңдары, репродукторлар, жылыжайлар және т.б.
"Жыл сайын орта есеппен 80-ге жуық жобаны іске қосу жоспарлануда. Мұны біз міндетті түрде жүзеге асыруымыз керек. Министрліктің жобалар пулы облыс әкімдіктерімен инвестициялық жобаларды іске асыру жоспарларын пысықтау нәтижесінде кеңейтілетін болады", - деді Сәуле Молдабаева.
Құралай Құдайберген
