Ауыл шаруашылығы бірінші вице-министрі Қайрат Айтуғанов Үкімет отырысы барысында ауыл шаруашылығы кооперативтерін дамыту үшін қаржыландыруға бағытталған жаңа несиелік өнімдер жайлы мәлімдеді.
"Ынтымақ" – ауыл шаруашылығы кооперативтерін дамыту үшін қаржыландыруға бағытталған жаңа несиелік өнімдері бекітілді, "Игілік" – ауыл шаруашылығы жануарларын өсіру, "Бірлік" – сүт қабылдау бекетін құру, "Береке" – отбасылық бордақылау алаңын құру", – деді вице-министр.
Ол ауыл шаруашылығы кооперативтері үшін микронесиенің қолжетімділігін қамтамасыз ету мақсатында, сондай-ақ бір реттік несие көлемін 16 млн теңгеге дейін және несие мерзімін 7 жылға дейін ұзарту жөніндегі ЖҚЖК-2020 бойынша Үкімет қаулысына өзгерістер енгізілетінін айтты.
"Жоғарыда айтылған іс-шараларға байланысты министрлік әрбір облыста пилоттық жоба жүзеге асырылатын аудандарды айқындау үшін тиісті жұмыстарды атқарып жатыр. Аталған іс-шаралардың талаптарын сай келетін кооперативтер құрылады. Ал келесі ретте сол кооперативтердің тәжірибесі өзге аймақтарда тарату үшін пайдаланылады", – деді Қ. Айтуғанов.
BNews.ks
